Uso das funcións de QR Code
A súa calculadora pode amosar os símbolos de QR Code que pode ler un dispositivo intelixente.
Importante!
As operacións desta sección asumen que o dispositivo intelixente que se usa como lector do QR Code pode ler múltiples símbolos de QR Code e que se pode conectar a Internet.
O escaneo dun QR Code amosado por esta calculadora cun dispositivo intelixente fará que este acceda ao sitio web de CASIO.
Nota
O QR Code aparece na pantalla cando preme 
(QR) mentres se amosa calquera das seguintes pantallas.
- Pantalla HOME
- Pantalla do menú CONFIG
- Pantalla de erros
- Pantallas de resultados de cálculo en calquera aplicación da calculadora
- Pantallas de táboa en calquera aplicación da calculadora
Para máis información, visite o sitio web de CASIO (https://wes.casio.com).
Amosar un QR Code
Exemplo: para ver o QR Code para un resultado de cálculo na aplicación Calcular da calculadora e escanealo cun dispositivo intelixente.
1. Na aplicación Calcular, realice algún cálculo.
2. Prema (QR) para ver o QR Code.
Os números da esquina dereita inferior da pantalla amosan o número actual do QR Code e o número total de símbolos de QR Code. Para ver o seguinte QR Code, prema 
ou 
.
Nota
Para volver ao QR Code previo, prema ou tantas veces como precise para desprazarse ata que apareza.
3. Use un dispositivo intelixente para escanear o QR Code na pantalla da calculadora.
Para a información sobre como escanear un QR Code, consulte a documentación de usuario do lector de QR Code que usa.
Se ten problemas ao escanear un QR Code
Cando aparece o QR Code, use 
ou 
para axustar o contraste da pantalla do QR Code. Este axuste de contraste afecta só ás pantallas de QR Code.
Importante!
Dependendo do dispositivo intelixente ou aplicación de lector de QR Code que use, pode atopar varios problemas ao escanear os símbolos de QR Code producidos por esta calculadora.
Cando o axuste de “QR Code” no menú CONFIG é “Versión 3”, as aplicacións da calculadora que poden amosar os símbolos de QR Code son limitadas. Se intenta ver un QR Code nunha aplicación que non admite a visualización de QR Code, aparecerá a mensaxe “Non compatible (Versión 3)”. Porén, o QR Code producido por este axuste é máis sinxelo de escanear cun dispositivo intelixente.
Para máis información, visite o sitio web de CASIO (https://wes.casio.com).
